أقل سعر

قلت له :

"بص… المناقصة راسية عليك ان شاء الله بس انت نزل السعر شوية…

عندي عرض بسعر اقل حبتين من عرضك ومقبول فني طب ايه حجتي اني أرسي المناقصة عليك؟"

….

فيها حاجه دي؟

أنا عاوز أحسن جودة بأقل سعر… ليه لأ؟

….

إمبارح كنت في مقابلة شخصية في شركة مقاولات تقيلة… مدير التوظيف قال لي:

"أنا شايفك مناسب وعاوزين خبرتك وعلاقاتك معانا بس انت تساعدنا وتقبل اقل شوية من المرتب اللي انت متوقعه… بصراحة والمفروض ماقولش ده ، فيه ناس نجحوا في أول مقابله زيك وقابلين بمرتب أقل حبتين من اللي انت طالبه… طب إيه حجتي إني أعينك في الوظيفة دي؟"