الأيام

الايام لا تداوي الجراح… الجرح لا يختفي و الالم لا يهدأ…

نحن فقط نعتاد الامر… نقبله، نتقبله او نتعايش معه و نمضي و تمضي الايام…

انظر! انظر هنا! آثار جرح قديم… ترك علامة في الجبين لا تمحها الايام… أمازال يؤلم؟

مجرد ذكره يؤلم… يزول الم الحس و يبقى الم النفس… يصير الماً داخلياً عميقاً لا تمحه الايام… اؤكد لك صديقي القارئ (نعم صديقي) اؤكد لك … لا تمحه الايام…

اعتدت أن احكي لك اشياء لم احكها لاقرب الناس مني… هكذا انت صديقي…

مرة اخدت قلم على وشي… قلم قلم، موش قلم معنوي… قلم حقيقي بكف الايد … لو بصيت على وشي دلوقت موش هاتلاقي حاجه بس القلم لسه واجع…

ليه انضربت بالالم (بالقلم) ليه؟ ايه اللي عملته يستاهل الاهانة النفسية و الجسدية و المعنوية و الجرح… ايه اللي عملته؟

انا عملت كتير للاسف… القلم على وشي وجعني… إنما ادراك اني استحق الالم وجع اكتر من الالم نفسه…

لو اخدت قلم على وشك و انجرحت بتتوجع… طبيعي ما انت اتألمت… تعرف ايه يوجع اكتر؟ لو انت اللي ضربت حد تاني بالقلم … ظلمته/ظلمتها، جرحته/جرحتها، اهنته/اهنتها، وجعته/وجعتها ، خذلته/خذلتها…

بييجي وقت و تتوجع و الوجع مالوش حل. تحاول تصلح و تعتذر و تطيب الجرح و ماتلاقيش طريقة تعمل كده فتعيش باحساس ذنب غير مُحتمل لانه غير قابل للعلاج… عاهة مستديمة… عاهة و كمان مستديمة…

الايام لا تعالج العاهات المستديمة…

ايها الحبيب الطبيب الذي جُرحت و مازلت تُجرح بعمق جراحاتنا منذ وُجدنا الى ما لا اعرفه … امسك بيدي و ضعها في جرحك الغائر … ذلك الذي جُرحت به عني… هذا جرحي في جنبك… هذا جرحي…

Photo from "The Passion of the Christ"