نشكر الرئيس
- سامح
- Oct 19, 2024
- 1 min read
صعب على ناس كتير تصدق ان ربنا اخد جسد واتولد وعاش وسطنا …
موش عشان فيه او مافيش دليل…
لكن عشان موش مصدقين في الحب ولا في قوة ربنا…
موش عشمانين فيه…
ثقافة القوة الزائفة والاعتداد بالذات والافتخار حتى بالقيم والمعرفة والعلم… ثقافة اتزرعت جوانا مخليانا موش قابلين ان فيه اتضاع كده ومحبة كده…
تأملوا معايا في الازدواجية اللي بينعيشها لما نشكر رئيس الجمهورية لأنه لبس زي مواطن عادي وزار المصلحة الحكومية يشوف بنفسة الناس بتعاني قد ايه…
نقول شوف الريس متواضع نازل يشوف بنفسه ويصلح الاوضاع بنفسه… ريس محترم ومحب لمواطنيه…
وفي نفس الوقت نستكتر على ربنا ان يلبس زي انسان بسيط ويعيش وسطينا ويعلمنا ازاي نعيش ولاده واحباؤه محبين لبعض ومتواضعين … ويكشف لنا عن نفسه وعن حبه لينا…
ازاي متعايشين مع الازدواجية دي…؟
هل رئيس الجمهورية اكتر اتضاع ومحبة لمواطنيه من اتضاع ومحبة ربنا للي خلقهم…؟
الحقيقة موش محتاجين بحث ولا دليل عشان نشوف محبة ربنا…
يكفي الثقة فيه…
الإيمان لا يحتاج عقل حكيم ولا فهم ولا فحص… عطايا الله مجانية للجميع وياخدها البسطاء المتواضعين بمجرد ايمانهم بحب الله لهم…
اما الباحثون المعتدون بالدليل والعقل والحكمة البشرية، فليعرفوا يقيناً ان الله تبارك اسمه ليس موضوع بحث ولا فحص ولا جدال يتبارز فيه ذوو الحجه ويهزمون بعضهم بعضاً…
اما اختار الله جهال العالم ليخز بهم الحكماء؟
اما اختار الله الضعفاء ليخز بهم الاقوياء؟
اما اختار الله المزدرى وغير الموجود ليبطل به الموجود ؟
"وَفِي تِلْكَ السَّاعَةِ تَهَلَّلَ يَسُوعُ بِالرُّوحِ وَقَالَ: «أَحْمَدُكَ أَيُّهَا الآبُ، رَبُّ السَّمَاءِ وَالأَرْضِ، لأَنَّكَ أَخْفَيْتَ هذِهِ عَنِ الْحُكَمَاءِ وَالْفُهَمَاءِ وَأَعْلَنْتَهَا لِلأَطْفَالِ. نَعَمْ أَيُّهَا الآبُ، لأَنْ هكَذَا صَارَتِ الْمَسَرَّةُ أَمَامَكَ»."
الصورة للمسيح بين تلاميذه البسطاء- من مسلسل The Chosen
Comments