هابي شم الفسيخ

- بص، اللي انا فاهمه، ان المسيح ما اتصلبش و ما اتقتلش … هو ربنا رفعه اليه، عيد الصعود عندكم تقريباً... انما اليهود صلبوا حد تاني …

- طيب، فين جثة التاني و ليه مالقوهاش؟

- ممكن الحواريين اخدوها فعلاً و اخفوها و قالوا انه قام على ما اظن …

- طب تفتكر ليه الرومان ما حاكموهمش بتهمة كسر الختم الروماني ؟ ليه بيلاطس ما اعدمش الحراس بتهمة النوم اثناء الخدمة ؟ ليه شيوخ اليهود ما اتهموش الحواريين اساساً بتهمة خطف الجثة و عذبوهم لغاية ما يظهروها ؟

الحقيقة ان القيادات الرومانية و اليهودية اقتنعوا ان اللي اندفن قام و كل اللي طلبوه من التلاميذ انهم مايقولوش انه قام …

- ماعرفش... انما اللي اتصلب ما كانش المسيح و بالتالي ما قامش، هو رُفع الى السما، ماشي … هو حي؟ ايوه حي... سيأتي دياناً للعالمين ؟ تمام … مات و قام و قصة الفداء بتاعتكم دي معلش لأ . ماحصلتش و انتم بس عشمانين بزيادة او فاهمين غلط …

- النبي محمد صلى الله عليه و سلم قال انا ابن الذبيحين صح ؟

- صح… يقصد اسماعيل و عبدالله…

- الاتنين كانوا هايموتوا بعدين حد تاني مات مكانهم و الاتنين رجعوا احياء و منهم واحد بتعيدوا له في عيد الاضحى …

- مافيش علاقة ... ما تحورش … هابي شم الفسيخ ...

Photo found on Wix